Skema e gjumit të fëmijës në muajin e 11 të jetës, problematikat dhe oraret

Në këtë moshë shumë fëmijë fillojnë të flejnë gjatë gjithë natës, pa u zgjuar për asnjë vakt ushqyerje. Koha e përgjithshme e dremitjeve gjatë ditës mund të jetë 2-2.5 orë në total dhe gjatë natës 11-12 orë. Shumë pak fëmijë mund të kalojnë nga dy në dremitje gjatë ditës dhe ju këtë mundësi duhet ta vlerësoni në varësi të nevojave së të voglit.

Mund të ndodhë që dremitja e paradites të hiqet në këtë moment kryesisht nëse shikoni se ajo vonohet gjithnjë e më tepër. Pra nëse fëmija vonon c’do ditë më shumë për të rënë në gjumë në këtë moment. Por kujdes! Nëse shikoni se fëmija ka ende nevojë për të mos e ndërprisni duke qënë se lodhja e fëmijës nuk do ta bëjë atë të flejë më mirë, përkundrazi.

Kur është koha mesatare më e mirë për të kaluar në një dremitje?

Rreth muajit 15-18 të jetës. Në këtë moment, edhe pse disa fëmijë do të mund të qëndrojnë në gjumë përgjatë gjithë natës, këshilla ime do të ishte një ushqyerje rreth orës 4-5 të mëngjesit. Kjo do ta mbante atë larg zgjimit shumë të hershëm në mëngjes.

Cilat do të ishin oraret perfekte të gjumit të fëmijës në muajin 11? Skema perfekte?

  1. Zgjimi i mëngjesit rreth orës 7.
  2. 3-3.5 orë nga zgjimi dremitja e parë e cila do të zgjasë minimalisht 1 orë.
  3. 3.5 orë nga zgjimi dremitja e dytë. Përkon me orën 14:00-14:30 dhe zgjat të paktën 1 orë.
  4. Fillimi i rutinës së mbrëmjes rreth orës 18:30.
  5. Koha për gjumë 19:00. Pra 3.5 orë nga zgjimi i dremitjes së pasdites.

Artemisa Brahimaj

Themeluese e Bota e Gruas

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *